Şirkətin mütəxəssisləri CERT-Bund və İsveç milli orqanları genişmiqyaslı ziyanverici kampaniyanı aşkarlamışlar.
ESET şirkətindən verilən xəbərə görə, bütün dünyada hakerlərin 25 min Unix- serveri ziyanverici yoluduraraq botnet şəbəkəsi yaratdıqları məlum olmuşdur.
“Operation Windigo” adlı əməliyyat zamanı məlum olmuşdur ki, cinayətkarlar backdoor funksiyasına malik troyan vasitəsilə botnet şəbəkəsinə sahib olublar. Troyan yoluxmuş sistemdən hesabları oğurlayaraq qurbanın trafiklərini ziyanverici saytlara yönəldir və spamlar göndərməklə məşğul olur.
“Windigo 2 il ərzində daha da genişlənərək, təhlükəsizlik tədqiqatçıları tərəfindən aşkarlanmamışdır. Hal-hazırda cinayətkarların əlində 10 minlərlə server vardır, – ESET şirkətinin mütəxəssisi Pyer-Mark Büro (Pierre-Marc Bureau) izah etmişdir. –Əgər hesablama gücünü, əməli yaddaşı və buraxılış imkanına baxsaq hakerlərin əlində bu çox böyük rəqəmdir”.
Ümumi hesablamalara görə, hakerlər gün ərzində 35 milyon spam məktubu göndərmişlər. Ən çox ziyanverici maşınların ABŞ, Almaniya, Fransa və Böyük Britinayada yerləşdiyi məlum olmuşdur.
Tədqiqatçılar güman edir ki, gün ərzində ziyanverici resurslara yönəldilən istifadəçilərin sayı yarım milyonu keçib.
Qeyd etmək yerinə düşər ki, Windigo qurbanları olan veb resurslar istifadəçilərə məxsus Windows ƏS yoluxdurmağa çalışır. Mac istifadəçiləri isə cinayətkarlar tərəfindən reklam olunan tanışlıq saytlarına, iPhone istifadəçiləri isə porno saytlara yönəldiliblər.
ESET şirkətinin hesabatı ilə buradan tanış ola bilərsiniz.
Mənbə: www.securitylab.ru
