İnternetə çıxışı olan düzgün qurulmamış printerlər hakerlər üçün göydəndüşmə hədiyyədir. Bunu birdaha Weev nikli haker Endryu Auernhaymer (Andrew Auernnheimer) sübut etmişdir. 2016-cı ildə o Shodan axtarış sistemi və masscan skaneri vasitəsilə 9100 portu açıq olan printerləri taparaq antisemit məzmunlu mətnləri çapa göndərmişdi.

Stackoverflowin nikli haker Bleeping Computer nəşrinə bildirmişdir ki, printer sahiblərinin diqqətini bu problemə cəlb etmək üçün avtomtik skript yazmışdır. Skript internetdə portu açıq olan printerləri taparaq onlara ASCII -qrafikalı şəkil və mətn göndərir.

Hakerin bu əməli cavabsız qalmamışdır. Printerlərin özünü qəribə aparmaqları barədə informasiyalar tezliklə rəsmi forumlarda HP, StackExchange, Spiceworks, RedditYouTube  və Twitter-də öz əksini tapmışdır. İstifadəçilər müxtəlif printerlərin Afico, Brother, Canon, Epson, HP, Lexmark, Konica Minolta, Oki, Samsung “xarab” olması barədə yazmağa və şikayət etməyə başlamışlar.

Stackoverflowin jurnalistlərə IPP (Internet Printing Protocol) və LPD (Line Printer Daemon), eləcədə 9100 portu açıq olan printerlərə PostScript – inyeksiyası ilə müdaxilə etdiyini söyləmişdir.

Mənbə: xakep.ru