Xəbərlər

Azərbaycan mayın 14-16-da Cenevrədə keçiriləcək Telekommunikasiya/İKT Siyasəti beynəlxalq Forumunda təmsil olunacaq. "ICTnews" xəbər xidmətinin məlumatına əsasən, tədbirdə Azərbaycanı Rabitə və informasiya texnologiyaları nazirinin müavini Elmir Vəlizadənin rəhbərlik edəcəyi nümayəndə heyəti təmsil edəcək.

Facebook sosial şəbəkəsi parol və gizli sözü bərpa etmə funksiyasında yenilik əlavə etmişdir. Hər bir istifadəçi 3-5 inanılmış dosta öz hesabının gizli açarını etibar edə bilər. Əgər istifadəçi öz hesabına daxil ola bilməsə, Facebook onun dostlarından informasiya tələb edəcək.

Uzun illərdir Mozilla ən güclü müdafiə olunan internet şirkətlərindən biri sayılır. Britaniyanın Gamma International şirkəti Firefox brovseri alıtında casus proqram yerləşdirməklə Mozillanın nüfuzuna kölgə salmaq fikrinə düşüb. Maraqlıdır ki, Mozilla qeyri adi haker qruplaşması ilə üz-üzə qalıb.

Naməlum hakerlər ABŞ bəndlərinin inventarlaşması bazasına yol tapıblar. Baza ABŞ ordusunun mühəndis kospusu tərəfindən yaradılıb. Bu baza çox əhəhmiyyətli və çox qiymətli baza olub, ABŞ ərazisində 79 000 bənd haqqında məlumatı özündə əks etdirir. Bazanın əhəmiyyəti ondan ibarətdir ki, bəndlərin dağıdılması, partladılması zamanı mümkün insan itkiləri barədə dəqiq məlumatları özündə saxlayır.

Bu günə kimi Azərbaycanda 17569 domen adı qeydə alınıb və onların sayının bu il ərzində artımı gözlənilir. ANS PRESS-in “Whois.az” saytına istinadən verdiyi məlumata əsasən, bu il isə ölkədə cəmi 2110 domen qeydə alınıb, 858-i qeydiyyatdan çıxarılıb və ilin əvvəlindən domen adlarının xalıs artımı 1252 domen təşkil edib.

Rabitə və İnformasiya Texnologiyaları Nazirliyi, Heydər Əliyev Fondu, Azərbaycan Respublikası Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə 17 may Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında İnformatika üzrə VIII Ümumrespublika Olimpiadası”nın FİNAL mərhələsi 28 aprel 2013-cü il tarixində AMEA-nın İnformasiya Texnologiyaları İnstitutunda keçirilmişdir.

Mobil cihazların qeydiyyat sistemi (MCQS) 1 may 2013-cü il tarixindən fəaliyyətə başladı. Həmin tarixdən etibarən şəxsi istifadə məqsədi ilə ölkə ərazisinə gətirilərək istifadə olunan (respublikamızın mobil operatorlarının SİM kartları vasitəsi ilə) hər bir mobil cihazın İMEİ nömrəsi həmin cihazın şəbəkədən xidmət almağa başladığı tarixdən ən geci 30 (otuz) gün müddətində qeydiyyata alınmalıdır.

ADNA universitetinin rəsmi saytı http://asoa.edu.az/ hackerlər tərəfindən sındırılıb. Sayta “Siz unutdunuz biz unutmadıq!” sözləri yazılan şəkil və Qəza və Xəyalpərəstin səsləndirdikləri “30 aprel ADNA” mahnısı yerləşdirilib

The Guardian Britaniya qəzətinin tvitter hesabı "Suriya elektron ordusu" tərəfindən qırılmışdır. Bu barədə qəzet bazarertəsi öz səhifəsində xəbər vermişdir. Sındırılan hesablardan " SEO nu izləyin... Bu həqiqətdir", "Yaşasın Suriya" və "SEO burda olmuşdur" mesajları verilmişdir. Bir neçə saatdan sonra qruplaşma Twitter şirkətinin təhlükəsizlik xidmətinə müharibə elan etdiyini və The Guardian qəzetinin Suriya barədə yalanlar yaydığına görə cəzalandırdığını bildirmişlər.

Məşhur antivirus şirkəti olan Eset internetdə ziyanverici hərəkətlər edən bakdor vasitəsilə Apache veb-serverlərdən istidafəçiləri ziyanverici eksployidlər olan keçidlərə (Blackberry platforması üçün proqramlar adı ilə) yönəldir. Bakdor Linux/Cdorked adlandırılır artıq keçən həftənin 5-ci günündən etibarən fəaliyyətə başlayıb.