Kibertəhlükəsizlik sahəsində əlaqəli fəaliyyətin səmərəliliyinin və maarifləndirmə səviyyəsinin artırılması, habelə ümummilli hazırlığın yüksəldilməsi, özəl və digər qurumların kibertəhlükəsizlik sahəsində maarifləndirilməsi və kibertəhlükəsizlik mədəniyyətinin formalaşdırılması, dövlət və qeyri-dövlət informasiya infrastrukturu subyektlərinin kibertəhlükəsizlik üzrə fəaliyyətlərinin əlaqələndirilməsi, kibertəhlükəsizliyin gücləndirilməsi istiqamətində müvafiq texniki və metodiki vasitələrin yaradılması, tövsiyələrin hazırlanması və metodiki dəstəyin göstərilməsi, informasiya proseslərinin mühafizəsi və s. bu kimi vəzifələrdən irəli gələn məsələlərin həlli, eləcə də kibertəhlükəsizlik sahəsində milli ekosistemin formalaşdıırlması məqsədilə 2-6 mart 2020-ci il tarixlərində Nəqliyyat, Rabitə və Yüksək Texnologiyalar Nazirliyi tərəfindən II beynəlxalq “Kibertəhlükəsizlik həftəsi” keçiriləcək.
“Kibertəhlükəsizlik həftəsi” çərçivəsində aidiyyəti qurumlarla birgə “Kibertəhlükəsizlik konfransı”, “Hackathon” müsabiqəsi, “Kibertəhlükəsizlik üzə Gənclərin İnternet İdarəçilik Forumu”, “Təhlükəsiz Bulud Mühiti”, “Kibertəhlükəsizlik üzrə beynəlxalq sertifikatlaşdırma”, “Dövlət və Bank Sektoru üçün “Pentest” üzrə praktik seminar, “Rəqəmli hüquq: Fərdi məlumatların mühafizəsi” və s. bu kimi mövzularda yerli və beynəlxalq ekspertlərin məruzəçi qismində iştirakı ilə tədbirlər təşkil ediləcəkdir.
