Azərbaycanın ilk 3D oyun müsabiqəsinin  final mərasimi keçiriləcək.

Bu barədə ulduz.orgHackathon Azerbaijan komandasından məlumat verilib.

Qeyd edilib ki, final mərasimindən öncə müsabiqə iştirakçıları münsiflər qarşısında xüsusi təqdimatlarla çıxış ediblər.

3D oyunlar, 3D simulasiya və kompüter qrafikası mövzularını əhatə edən Game Jam müsabiqəsində ilk olaraq iştirakçılar üçün xüsusi təlimlər keçirilib.

Qərbi Kaspi Universitetinin tədris binasındanNoyabrın 25-dən dekabrın 17-nə qədər davam edən təlimlərdə iştirakçılara ideyadan məhsula aparan yol, 3D oyun proqramlaşdırılması, Unity 3D, kompüter qrafikasına giriş, oyun sənayesinin riyazi əsasları, 3D texnologiyaları, oyun proqramlaşdırılmasından gəlir əldə edilməsi yolları və s. mövzular tədris olunub.

Təlimlərdən sonra iştirakçılar tərəfindən oyunlar yazılıb və 7 yanvar tarixində onlar münsiflər heyətinə nümayiş olunub.

Münsif səsverməsindən sonra isə finala vəsiqə qazanan komandalar aşağıdakılar olub:

1.Komanda: hiVooby
Oyunun adı: hiVooby
Browser oyunu

2.Komanda: Mad Bots
Oyunun adı: Stolen Crown
PC oyunu (exe)

3.Komanda: Punks
Oyunun adı: Simple Cars
PC oyunu (exe)

4.Komanda: Fire Wings
Oyunun adı: Cartoon City
PC oyunu (exe)

5.Komanda: LC Game studio
Oyunun adı: Mirror Man
Mobile oyun (APK)

6.Komanda: Orient
Oyunun adı: Adam’s Break
PC oyunu (exe)

7.Komanda: Oksade
Oyunun adı: IMKANSIZ
PC oyunu (exe)

2018-ci ilin yanvar ayının 12- də müsabiqənin final mərasimi və qalib komandaların mükafatlandırılması planlaşdırılır. Yarışma qaliblərinə qiymətli hədiyyələrin, əsas qalibə isə 3000 AZN pul mükafatının verilməsi nəzərdə tutulur.

Müsabiqə Azərbaycanda ilk hackathon yarışmalarının təşkilatçısı olan Hackathon Azerbaijan komandası, IDRAK Texnoloji Transfer şirkətinin baş sponsorluğu ilə keçirilir.