24 aprel tarixində Webroot antivirus proqramı səhv işləməyə başlayıb. Windows sistem fayllarını troyana bənzədərək onları karantinə əlavə edib və sistemin sıradan çıxmasına səbəb olub.

Bildiyiniz kimi adətən antivirus həlləri elə yaradılır ki, Windows sisteminin nüvəsinin işinə mane olmamaq üçün kritik vacib fayllara toxunmur. Buna baxmayaraq Webroot vacib sistem fayllarını W32.Trojan.Gen troyanına oxşadaraq onları karantinə əlavə etməyə başlayıb bu da sistemin tezliklə çökməsinə gətirib çıxarmışdır. Problem tezliklə aradan qaldırılsada yüzlərlə istifadəçinin sistemi sıradan çıxmışdır və minlərlə sistem faylları karantində qalmışdır.

Webroot təkcə Windows sisteminə deyil eləcədə Facebook sosial şəbəkəsinədə “əsəbləşmişdir”. Antivirus sistemi sosial şəbəkəni fişinq saytına bənzədərək istfadəçilərin sayta girişini bağlamışdır. Webroot ictimai əlaqələr şöbəsi antivirusun qəribə davranışına etiraz edən istifadəçilərə cavab olaraq şantajçı proqram təminatına həsr olunmuş prezentasiyaya link göndərmişdir.

Webroot komandası tez reaksiya göstərərək yaranmış problemi günün axıına kimi həll etmişdir. Şirkət istifadəçilərə sistem faylların bərpa edilməsi üçün təlimat göndərmişdir. Düzdür bu təlimat ilə ancaq ev şəraitində işləyən istifadəçilər fayllarını bərpa edə biləcəklər. Korparativ müştərilər üçün bərpa edici təlimat hələ şirkət tərəfindən hazırlanacaqdır.

Mənbə: www.securitylab.ru