malware-upload-jpgBir həftə əvvvəl Windows10 sisteminin rəsmi yenilənməsi hakerləri hərəkətə keçirib. Cisco şirkəti hələ yeni sistemə keçməyənlərə qarşı guya Microsoft şirkəti tərəfindən təşkil edilən amma əslində hakerlər tərəfindən aparılan geniş miqyaslı email reklamı aparıldığını aşkarlamışdır. Bu barədə şirkətin mütəxəssisləri xəbər verirlər. Milyonlarla istifadəçiyə Windows10 pulsuz yeniləməsini yükləmək təklif olunur. Məktubun guya [email protected] ünvanından göndərildiyi və məktubun sonunda onun viruslara qarşı yoxlanıldığı istifadəçiləri çaşdırır.

Məktubda olan Win10Installer.zip əlavəsini (CTB-Locker (Critroni) yoluxdurulmuş) işə saldıqdan sonra sistemdə olan fayllar assimetrik şifrələnmə üsulu ilə şifrələnərək istifadəçiyə 96 saat ərzində fayllarını bərpa etmək üçün hakerlərə müraciət etmələri və pul müqabilində fayllarının geri qaytarılacağı barədə xəbərdarlıq edilir. Şifrələmə açarının kompüterdə olmaması faylların şifrədən azad edilməsini çətinləşdirir.

Cisco şirkəti güman edir ki, hakerlər bu hərəkətləri ilə Microsoft şirkətinin nüfuzuna xələl gətirir və Microsoft yeniləmələri etmək üçün heç bir email göndərmir.

Mənbə: xakep.ru