samsapoBeynəlxalq antivirus şirkəti ESET  Android sistemli Rusiya istifadəçilərinə hücum edən yeni ziyanverici proqram aşkarlamışdır. Təhlükə virus bazasına Android/Samsapo.A adı ilə daxil olmuşdur. Bu barədə ESET şirkətindən xəbər verirlər.

Samsapo “soxulcan” (worm) funksionallığına malikdir – o, yoluxmuş Android qurğudan yayılmağa başlayır. Ziyanverici kodu yaymaq üçün serverdə 24 aprel 2014-cü il tarixində alınmış domendən istifadə edilir.

Yeni qurbanların tapılması üçün sosial mühəndislik metodundan istifadə edilir. Samsapo ziyanvericisinə yoluxmuş qurğu ünvan kitabçasındakı bütün  istifadəçilərə rus dilində “Bu sənin şəklindir?” SMS məlumatı və ziyanverici APK faylına link göndərir.

Digər qurğuları yoluxdurmaqdan başqa, Samsapo qurbanlarını pullu SMS xidmətlərinə qoşa, fərdi məlumatları ötürə, başqa ziyanvericiləri qurğuya yükləyə bilir. Ziyanverici özünü sistem proqram com.android.tools.system v1.0 gizlədə bilir, telefon zənglərini bloklayır, zəng tənzimləmələrini modifikasiya edir.

Mənbə: www.akm.ru