symantec-logo25 il ərzində antivirus proqram təminatında pioner olan Symantec şirkəti, təsdiq edir ki, kompüteri ziyanlı koda qarşı yoxlayan  proqramların vaxtı artıq bitib. “Antiviruslar ölüdür”, — bu barədə Symantec informasiya təhlükəsizliyi üzrə baş vitse prezident  Brayan Day bəyanat vermişdir.

Onun sözlərinə görə, şirkət ənənəvi antivirus proqram təminatına qazanc kimi baxmır, çünki bu proqram təminatı yalnız 45% kiberhücumlardan qorumağa qadirdir. Bizim günlərdə hakerlər kompüter üzərində antivirus proqramlarından yan keçməklə nəzarət əldə edə bilirlər. Brayan Dayın şirkətdə vəzifəsi – kompüterlər üçün müdafiəni yenidən qurmaqdır.

Symantec şirkəti müştərilərə yeni xidmət təklif etmək fikrindədir. Yeni xidmətlə şirkət müdaxilə qurbanı olmuş müştərilərə öz komandasının çevik yardımını təklif etməyə hazırlaşır. Şirkət kibertəhlükəsizlik üzrə konkret təhlükələr barədə “brifinqlər” satmaq niyyətindədir. Bundan əlavə Symantec şirkəti yeni nəsil müdafiə proqram təminatı hazlrlamaq üzərində iş aparır. Bu proqram təminatı müəssisənin və ya təşkilatın şəbəkəsində özünü şübhəli aparan xüsusiyyətlərə görə, zərərli bazaya daxil edilməmiş proqramları aşkarlamaq qabiliyyətində olacaqdır.

Fərdi istifadəçilər üçün qoruyucu funksiyalara malik Norton Antivirus proqram təminatından imtina edilməyəcək. Ancaq şirkət öz biznesi üçün artım yeni nöqtələri axtaracaq. Son vaxtlar şirkətin gəlirləri azalır.

Mənbə: The Wall Street Journal