ABŞ tətbiqi incəsənət mağazalar şəbəkəsi Michaels Stores Inc 8 ay ərzində 2 dəfə kiberhücuma məruz qalıb və 3 milyon müştərinin fərdi məlumatları oğurlanıb. Bu barədə təhlükəsizlik üzrə mütəxəssis Brayan Krebs xəbər verib.
Cari ilin yanvar ayında məlum olmuşdur ki, şirkət hüquq mühafizə orqanlarının köməyi ilə məlumatların sızması insidentini araşdırıb.
Michaels Stores nümayəndələri deyir ki, hadisə 8 may 2013-cü ildən 27 yanvar 2014-cü ilədək davam edib, və 7% müştərinin (2,6 milyon nəfər) fərdi məlumatları təhlükə altında olub. Əsas olaraq, bu müddətdə kredit kartları ilə alver etmiş müştərilərdən söhbət gedir.
Məlum olmuşdur ki, hələ 400 min kart sahibi təhlükə altında ola bilər. Şirkətin əlavə bölməsi olan Aaron Brothers sayəsində bu say arta bilər. Şirkətin filialına olan kiberhücum 26 iyun 2013-cü ildən 27 fevral 2014-cü ilədək davam edib.
Bu faktlara baxmayaraq Michaels Stores müştərilərin fərdi məlumatlarının o cümlədən adlarının, identifikasiya nömrələrinin oğurlanmadığını iddia edir.
Mənbə: www.securitylab.ru
