idmanazeAprelin 1-də Azərbaycanın virtual aləmində zarafata heç bir aidiyyatı olmayan maraqlı hadisə baş verib. “Qafqazinfo”ya daxil olan məlumata görə, artıq faktla bağlı hüquq-mühafizə orqanlarına da müraciət olunub. 

Belə ki, gənc yazar Rüstəm İsmayılbəyliyə aid olan və 4 ildir fəaliyyət göstərən “İdman Azərbaycan” Facebook səhifəsi (http://facebook.com/idmanaze)  bir fırıldaqçı tərəfindən oğurlanıb. Özünü Ceyhun Cabbarlı kimi təqdim etmiş şəxs Rüstəm İsmayılbəyli ilə internetdə dostluq əlaqəsi quraraq onun etibarını qazanıb və bir müddət sonra xahiş edib ki, onu səhifənin admini təyin etsin. Rüstəm isə ona inandığından onu səhifənin admini təyin edib. 

Aprelin 1-də Ceyhun səhifəni tamamilə zəbt edərək Rüstəmi səhifəni istifadə etməkdən məhrum edib.

Mənbə: qafqazinfo.az