ESET mütəxəssisləri Skype və Gtalk mesaj proqramlarında kütləvi spam kampaniyaları barədə xəbər verirlər. Cəlbedici şəkillər vasitəsilə sosial mühəndislik metodlarından istifadə edərək istifadəçilər ziyanverici linklərə yönəldilir. İlk 48 saat ərzində yarım milyon istifadəçi ziyanverici linklərə baxmışdır. Qeyd etmək yerinə düşər ki, ziyanverici linklər Google URL Shortener leqal servisi vasitəsilə qısaldılmışdır. Ancaq //goo.gl/…, ilə başlayan ziyanverici linlərə 490 000 istifadəçi daxil olmuşdur. Qısaldılmış linklər  Win32/PowerLoader yükləməyə məcbur edir oda öz növbəsində məşhur Dorkbot soxulcanını işə salır. Soxulcan yoluxmuş kompüter öz növbəsində əlavə ziyanvericilərində yüklənməsinə və siyahıda olan digər istifadəçilərə spam mesajlarının göndərmək servisini işə salır.  Bundan əlavə Dorkbot soxulcanı başqa servislərin parollarını (sosial şəbəkələr, onlayn bankinq və s.) oğurlaya bilir. Hal-hazırda bu spam kampaniya Almaniya, Rusiya, Braziliya, Kolumbiya, Meksika və ABŞ istifadəçilərinə daha çox ziyan vurmuşdur. Kibercinayətkarlar ölkələrdən asılı olaraq ayrı-ayrı  dillərdə spam mesajlar göndərməklə spam kampaniyanın effektini artırmışlar.  Google URL Shortener hesabatına görə 83% istifadəçilər Windows əməliyyat sistemindən, 17% isə iOS, Mac OS X, Linux və BlackBerry əməliyyat sistemlərindən ziyanverici linklərə daxil olmuşlar.

 

Mənbə: news.rambler.ru