Microsoft şirkəti Skype proqramının status düzənləmələr hissəsində problemlər yaşandığı barədə xəbər verərək istifadəçilərdən üzr istəyib. İstifadəçilər öz siyahılarında olan dostları ilə əlaqə saxlaya bilməsələrdə, dostlarına xəbər göndərmək imkanına malik olublar.
“Sizlərdən bəziləriniz Skype statusları ilə bağlı problemlər yaşayırsınız və siyahıda olan dostlarınızı görə bilmirsiniz. Biz Skype statusları ilə bağlı düzənləmələr problemini aşkarlamışıq. Baş vermiş narahatçılığa görə üzr istəyirik və biz problemi aradan qaldırmağa çalışırıq”, — şirkətinin yaydığı informasiyada bu cümlələr yer alır.
downdetector.com servisinin verdiyi xəbərə görə problem təxminən Bakı vaxtı ilə 13.23-də yaranmışdır. Rusiya, ABŞ, Vyetnam, Yeni Zelandiya, Danimarka, Hindistan və başqa ölkələrdəki skype istifadəçiləri proqramda yaranan problemə görə çətinliklərlə üzləşmişlər.
Mənbə: ria.ru
