walkbaseİlin sonuna kimi Helsinki beynəlxalq aeroportunda sərnişinlərin bütün hərəkətlərini izləyə biləcək unikal proqram işə düşəcək.

Pulsuz Wi-Fi şəbəkəsinə qoşulacaq bütün mobil qurğular xüsusi proqram vasitəsilə izləniləcək bu da mobil qurğuların sahiblərinin hər addımını izləmək imkanı yaradacaq.

Aeroportda 150 ədəd kiçik Wi-Fi router ölçülü plastik konteyner quraşdırılıb. Hər bir konteyner fin şirkəti Walkabase tərəfindən yazılmış xüsusi proqramla təchiz olunub. Sistem hər bir mobil qurğuya unikal nömrə verərək sahibinin bütün addımlarını izləmək qabiliyyətinə malikdr.

Aeroport inzibatçılarınn verdiyi xəbərə görə, bu tip izlənmə sərnişin daşınmanın daha keyfiyyətli idarə olunmasına yardım edəcəkdir.

Qeyd edək ki, Walkabase proqramı vasitəsilə aeroportda reyslər və mağazalarda, kafelərdə mallara, xidmətlərə güzəştlər barədə informasiyalar sərnişinlərə paylanacaqdır. Sərnişin ticarət nöqtələri yanında olarkən ancaq yaxınlıqdakı mağazalardan xəbərlər alacaqdır.

Walkabase idarə heyətinin sədri Tuomas Vuoti əmin edir ki, bütün informasiya şifrələnmiş formada ancaq proqram təminatının istehsalçıları üçün qorunacaqdır.

İnformasiya təhlükəsizliyi üzrə mütəxəssis Antii Tikkanen Bloomberd nəşrinə müsahibəsi zamanı bəyan etmişdir ki, yığılan məlumatların ancaq statistika üçün istifadə ediləcəyini yoxlamaq mümkün deyildir. “Mənim hər addımımı izlənəcəyi fikri, mənim hansı veb səhifələrə daxil olduğum barədə kimlərinsə məlumatlı olacağı məni qorxudur” – Tikkanen söyləmişdir.

Bu yaxınlarda bu tip sistem ABŞ-da Nordstrom mağazalar şəbəkələrində quraşdırılsa da, hüquq mühafizəçilərinin qlobal izlənmə skandalları fonunda çoxlu sayda tənqidlərinə məruz qalmışdır.

 Mənbə: russian.rt.com