indexeusNaked Security nəşrinin verdiyi xəbərə görə, hakerlər oğurlanmış məlumatları indeksləşdirən axtarış sistemi Indexeus səhifəsini qırıblar. Axtarış sistemini yaradanların sözlərinə görə onların verilənlər bazasında 200 milyon istifadəçinin fərdi məlumatları var imiş.

“Sayt hər bir kəsə sorğu göndərərək oğurlanmış milyonlarla fərdi məlumatı əldə etmək imkanı yaradırdı, o cümlədən bu yaxın zamanlarda Adobe və Yahoo! şirkətlərdən oğurlanmış fərdi məlumatlarda bura daxildir” təhlükəsizlik üzrə mütəxəssis Brayan Krebs bu sözləri demişdir. Elektron poçt, istifadəçi adları, internet və fiziki ünvanlar, istifadəçilərin doğum tarixi və s. oğurlanmış məlumatlarda öz əksini tapmışdır.

Krebs qeyd edir ki, Indexeus axtarış sisteminin əsas istifadəçiləri “uşaq skriptləri” (Script Kids) – yeni fəaliyyətə başlayan hakerlərdir. Bu yeniyetmələr özləri şəxsi proqramlarını və ya eksploitlərini yaza bilmədiklərindan başqalarının proqramlarını istifadə etmək məcburityyətində qalıblar.

Indexeus verilənlər bazası haker forumları, DoS hücumları təşkil etmək üçün icarəyə verilən serverlərdən, və ya saytlardan götürülür.

Axtarış sisteminin yaradıcıları gənc hakerlərdir və onlar öz yaşlı həmkarlarını qorxudaraq Indexeus bazasından məlumatların silinməsi üçün pul almaq istəyirdilər.

Krebsin “Hətta uşaq skriptlərinində unudulmaq haqqı var” (“Even Script Kids Have a Right to Be Forgotten”) məqaləsindən bir neçə gün sonra axtarış sistemi haker hücumu nəticəsində dağıdılmışdır.

Məqalə yazılarkən indexeus.org fəaliyyət göstərmirdi.

Mənbə: www.securitylab.ru