microsoft-logoMicrosoft şirkəti yeni patç yaradaraq Internet Explorer veb brovserindəki aşkarlanmış boşluqları aradan qaldırdı. Patç səkkiz bülletendən ibarət olacaqdır. Qeyd edək ki, əvvəlki yeniləmədən fərqli olaraq bu dəfə bülletenlərin sayı çoxdur.

Internet Explorer veb brovserində aşkarlanmış boşluq vasitəsilə cinayətkarlar uzaqdan idarəetmə vasitəsilə kompüterə tam nəzarət əldə edə bilirlər. Boşluq kompüterin yaddaşındakı verilənləri korlaya bilir ki, bu da cinayətkara qurbanın kompüterində ixtiyari kodu işə salmağa imkan verir. Belə ki, cinayətkar internetdə ziyanverici kod yerləşdirərək qurbanı həmin kodu işə salmağa şirnikləndirə bilərsə kiber hücuma başlayacaq.

Problem Internet Explorer 6-dan  Internet Explorer 11-ə kimi veb brovserləri əhatə edir ki, bu da dünya üzrə internet istifadəçilərinin 58%-i deməkdir. Microsoft şirkəti hal-hazırda hakerlər tərəfindən edilmiş hücumları araşdırdıqlarını və Internet Explorer son versiyasında bütün bunların nəzərə alınacağını söyləmişdir.

Bundan əlavə şirkətə məxsus proqram təminatlarındada (SharePoint (kritik), Microsoft Office və Microsoft Windows) boşluqların aradan qaldırılması nəzərdə tutulmuşdur. Şirkət cari ilin 8 aprelində texniki dəstəyi dayandırılmış Windows XP əməliyyat sistemi üçün yeniləmə hazırlamışdır.

Mənbə: www.wht.by