snowden
Avropa.info-nun xarici mətbuata istinadən məlumatına görə, Snouden ABŞ kəşfiyyatının qeyri-qanuni olaraq dünyada bir çox şəxs və qrupları izlədiyini deyib.

ABŞ Milli Təhlükəsizlik Təşkilatının (NSA) dinləmə və izləmə proqramı haqqında Avropa parlamentinə məlumat verən Snouden bir daha tükürpədici açıqlamalar edib.

Snouden Strasburqda təşkil olunan iclasa Moskvadan canlı video görüntü ilə bağlanıb. O açıqlamasında dinləmə və izləmə fəaliyyətinin tamamən qanunsuz və özbaşnalıqla həyata keçdiyini deyib. Müxtəlif üsullardan istifadə edilərək reallaşdırılan elektron axtarışların sadəcə siyasi yox iqdisadi və biznes sahələrini də əhatə etdiyini bəyan edib.
Snouden elektron dinləmə və izləmə əməliyyatları nəticəsində şəxslərin siyasi baxışlarının, olduqları yerin, cinsi arzularının, xarakterlərinin, dostluq və münasibətlərinin, sosial şəbəkələrdə qoyduqları izlərin rahat şəkildə müəyyən edildiyini deyib.

Keçmiş NSA analitiki olan Snouden heç bir cinayətə bulaşmamış şəxslərin də izlənildiyini bildirib: “Mesajlarının heç bir icazə olmadan oxuna bilər. Şəxsən mən fərd və qrupları izləmək üçün xüsusi üsullar yaratmışdım”.

Bu fəaliyyətlərin beynəlxalq iqtisadiyyat və beynəlxalq biznes münasibətlərində də istifadə olunduğunu qeyd edən Snouden izlənən milyardlarla əlaqələrin pərdəarxasını da açıqlayıb.
Snouden bildirib ki, ona qarşı daha bir  cinayət işi açılması risqi var. Ona görə, çox da dərinliyə gedə bilməz: “İndiyə qədər açıqladıqlarım buz dağının görünən hissəsidir. NSA milli və beynəlxalq planda fəaliyyət göstərən qeyri hökumət təşkilatları və həmkarlar ittifaqlarını da izləyir”.

Snouden NSA-nın izləmə əməliyyatına Avropa kəşfiyyat təşkilatlarının də qoşulduğunu bildirib. Və bunun sadəcə ABŞ və AB-nin problemi olmadığını, beynəlxalq problem olduğunu xüsusi vurğulayıb.

Snouden problemin həlli yoluna da toxunub. O öz təklifini irəli sürərək çarənin çox güclü şifrələmə və kütləvi izləmə fəaliyyətinin konstitusiyada qadağan olunmasında gördüyünü deyib.

İclasda iştirak edən keçmiş kəşfiyyatçı Hans Geiger isə bildirib ki, dost və müttəfiqlər bir-birinə qarşı casusluq etməməlidir. Gieger də oz təklifini irəlü sürüb. O bildirib ki, casusluq fəaliyyətinin qarşısını almaq üçün 4 fundamentə dayanan rahbər hazırlanmalıdır.

1) Hər növ siyasi və iqtisadi casusluğun qadağan olunması
2) Müttəfiq ölkədə casusluğ etmək üçün o ölkədən razılıq almaq
3) Müttəfiq ölkədəki hərəkət trafikinin izlənilməsinin qadağan olunması
4) İnternet ve telekommunikasiya şirkətlərindən məlumatın sadəcə məhkəmə qərarı ilə alınması
NSA-nın qanundan kənar dinləmə və izləmə fəaliyyəti haqqında hesabat və qərarı Avropa Parlamentində sentyabr ayında səsverməyə çıxarılacaq.

Mənbə: musavat.com