Google şirkətinin təhlükəsizlik üçün proqram təminatı mühəndisi Şeyna Hantli (Shane Huntley) Reuters agentliyinə demişdir ki, “xəbərlər təşkilatlarının kompüter şəbəkələri ölkə hökumətləri tərəfindən maliyyələşən hakerlərin əsas hədəfinə çevrilirlər”. Hücum təkcə korporativ serverlərə deyil, eləcədə jurnalistlərin və bloqerlərin səhifələrinə edilir.
Google şirkətinin araşdırmalarına görə, dünyanın 25 nəhəng KİV-dən 21-i (84%) hökumətlər tərəfindən maliyyələşən hakerlər tərəfindən hücuma məruz qalıblar.
Hantlinin sözlərinə görə Google mütəxəssisləri jurnalistlərin və xəbər təşkilatlarının ölkələrdən asılı olmayaraq kiberhücumlara məruz qaldığını izləyə bilirlər. Kiberhücum izlənən zaman hədəf və mənbə Google şirkətinə məlum olur.
Xatırladırıq ki, keçən il “Suriya Elektron Ordusu” tərəfindən dünya KİV-ləri o cümlədən, CNN, Financial Times və New York Times hücumlara məruz qalmışdı.
Hantli demişdir ki, tək korporativ serverlər deyil eləcədə jurnalist və bloqerlərin şəxsi hücumlarıda kiberhücumların qurbanına çevrilirlər.
