sea“Suriya elektron ordusu” hakerləri ingilis dilli Forbes nəşrinin serverinə hücum ediblər. Onlar serverin təhlükəsizliyini qıraraq milyondan çox istifadəçinin hesabı yerləşən verilənlər bazasını ələ keçiriblər. Eləcədə jurnalın adından bir neçə saxta məqalə yerləşdiriblər. 

Sübut üçün hücum edənlər vebresursun WordPress üzərində olan idarəetmə panelinin şəklini yerləşdirilər. Bundan əlavə, onlar istifadəçi hesablarını sata biləcəkləri barədə xəbərlər yerləşdiriblər. “Uğurla 1 071 963 istifadəçi hesabı və mail ünvanı ələ keçirmişik. Almaq istəyən var?”, – deyə “Suriya elektron ordusu” hakerləri öz Twitter hesablarında yazmışlar.

Qeyd edək ki, bu yazldan sonra digər yazıda onlar: “Yox. Biz əldə etdiyimiz məlumatları pulsuz yerləşdirmək istəmirik. Biz verilənlər bazasını təhlükəsiz host tapandan sonra yerləşdirəcəyik”. “Təhlükəsiz host” bu halda blok edilə bilməyəcək host nəzərdə tutula bilər.

Forbes nümayəndələri hücum faktını təsdiqləyiblər və təhlükəsizlik məqsədi ilə istifadəçilərə parollarını dəyişmək məsləhət görülüb. Baxmayaraq ki, parollar şifrələnmiş halda verilənlər bazasında yerləşmişdir.

Mənbə: securitylab.ru