Google şirkəti öz bloqunda Pwnium 4 haker yarışmasının anonsunu vermişdir. Haker yarışması 12 mart tarixində Kanadada CanSecWest konfransında təşkil ediləcək. İştirakçılar Chrome OS əməliyyat sistemində işləyən notbuku “qırmalıdırlar”.
Yarışmanın ümumi mükafat fondu 2,71828 ABŞ dolları təşkil edir. Rəqəm e – riyazi sabitinin şərəfinə görə təyin edilib. Fərdi mükafatların ölçüsü 110 mindən 150 min ABŞ dolları arasında dəyişəcək.
Pwnium mükafatını almaq üçün Chrome OS boşluğunu aşkarlamaq və Google şirkətinə boşluğu aşkar edən eksploiti təqdim etmək lazımdır.
Yarışmanın şərtinə görə — Intel prosessorlu Acer C720 və ARM arxitekturalı prosessora malik HP Chromebook 11 təqdim olunacaq. Hər iştirakçı istəyinə görə seçim edə biləcək.
Pwnium 2014-cü ildə artıq 4-cü dəfə keçirilir. Keçən il mükafat fondu 3,14159 milyon ABŞ dolları (pi sabitinin şərəfinə) idi. Heç bir hücum uöurlu olmadığından Google ancaq bir mükfatı 40 min ABŞ dolları ödəmişdir.
Mənbə: lenta.ru
